Sqarim për media
Kryesuesi i Bordit të Drejtorëve të KOSTT sh.a z.Jeton Mehmeti sot ka raportuar para Komisionit Hetimor Parlamentar në lidhje me menaxhimin e krizës energjetike për periudhën Qershor 2021-Maj 2022 ku është përgjigjur në pyetjet e deputetëve.
Me këtë rast sqarojmë që në pyetjen e deputetit z.Ferat Shala në lidhje me blerjen e energjisë elektrike për mbulimin e humbjeve teknike si dhe rreth kompanive nga të cilat janë realizuar blerjet, z.Mehmeti ka cituar listën e palëve tregtare me të cilat KOSTT ka Marrëveshje Kornizë për pjesëmarrje në ankandet për blerjen e energjisë që shpallen nga KOSTT, për mbulim të humbjeve teknike.
z.Mehmeti asnjëherë nuk ka deklaruar se Kosova ka blerë energji nga Serbia apo nga kompanitë serbe, siç po raportohet nga mediat. Në listen e raportuar nuk është asnjë kompani serbe.
Andaj, për hirë të korrektësisë dhe informimit të drejtë të opinionit publik, luten mediat që të korrigjojnë këtë raportim.
