Shkaktohet lidhje e shkurtë në largpërçuesin e tensionit të lartë 110 kV, LP 125/1
Sot me 17 dhjetor 2019, në ora 10:59 ka ndodhur një lidhje e shkurtë në largpërçuesin e tensionit të lartë 110 kV, LP 125/1 me ç’rast kanë reaguar mbrojtjet dhe si pasojë kanë mbetur pa tension NS 110/10 kV Vushtrria 2 dhe NS 110/35 kV Trepça.
Ekipet e mirëmbajtjes të KOSTT sh.a kanë dalë menjëherë në terren dhe janë ndërmarrë masa për eliminimin e problemit dhe si rezultat në ora 12.43 largpërçuesi në fjalë është kthyer në operim.
Si pasojë e kësaj rënie, konsumatorët e NS Vushtrria 2 dhe NS Trepça, kanë mbetur pa furnizim me energji elektrike për 1h e 44 minuta me ngarkesë rreth 28 MW.
Komisioni i ekspertëve të KOSTT do të analizojë shkaqet e paraqitjes së lidhjes së shkurtër në rrjetin transmetues dhe do të bëjë raportimet përkatëse në pajtim me Kodin e Rrjetit.
